Amsterdamning "Ayaks" jamoasi Niderlandiyada yana bir chempionlikni qo‘lga kiritdi va jamoaning serbiyalik sardori Dushan Tadich mavsumning eng yaxshi futbolchisi bo‘ldi.
Tadich ketma-ket to‘rt mavsumda "Ayaks"ning eng yaxshi assistentiga aylandi. Qolaversa, uning amalga oshirgan uzatmalari ham yildan-yilga ortib bordi.
Shu tariqa, 2018/2019 yilgi mavsumda u 13 ta golli uzatmani amalga oshirdi, 2019/20 yilgi mavsumda o‘n to‘rtta, 2020/2021 yilgi mavsumda esa 17 ta golga assistentlik qildi.
Joriy mavsumda esa Dushan jamoadoshlarining 19 ta goliga hammualliflik qildi.
Eslatib o‘tamiz, Tadich 2018 yildan buyon "Ayaks"da o‘ynab kelmoqda, bungacha bir necha mavsumni Angliyaning "Sautgempton" klubida o‘tkazgan.
