"Манчестер Юнайтед" клубини чорак асрдан кўпроқ вақт давомида бошқариб келаётган сэр Алекс Фергюсон АПЛнинг 20 йиллик тарихидаги энг кучли мураббийи деб тан олинди.
АПЛ расмий сайти ўтказган сўровда шотландиялик афсонавий мураббий ўзининг яқин таъқибчилари Арсен Венгер ҳамда Жозе Моуриньоларни сезиларли равишда ортда қолдирган.
Эътиборга молик жиҳати, сэр Алекс АПЛ ҳозирги кўринишда расман старт олган йилдан бошлаб, "МЮ"ни бошқариб келаяпти. Ферги "МЮ"га ҳатто АПЛ ташкил этилмасидан олдинроқ ташриф буюрганлиги диққатга сазовор.
20 йил ичида сэр Алекс "Юнайтед"ни 12 бора премьер лига чемпионлига олиб кела олган. Умуман олганда, у ва унинг жамоаси 20 йил ичида ўрнатган бир қанча рекордларни яқин йиллар ичида ҳеч бир жамоа ёки мураббий янгилай олмаслиги аниқ.
