Нидерландия терма жамоаси бош мураббийи Берт ван Маарвейк Европа чемпионати олдидан танланган кенгайтирилган футболчилар рўйхатидан яна 9та футболчини нега чиқариб юборгани борасида гапириб ўтди.

"Биз футболчиларни бир неча ой олдин олганмиз. Битта иккита машғулотлар олдин эмас. Бир қатор футболчилар терма жамоага чақириқни ўзлари учун бир унвондек қабул қилишди ва ўз ўйинлари билан буни исботлашди. Охирги машғулотлардан кейин уларнинг сонини қисқартиришга қарор қилдик".

"Бизда энг асосий танлов чап қанот ҳимоясига бўлиши керак. Шунинг учун бу чизиққа жуда кўп футболчиларни таклиф қилгандик. Уларни энди саралаб оляпмиз", дейди ван Маарвейк "De Telegraaf" нашрига берган интервьюси чоғида.

Таъкидлаб ўтиш жоиз, дастлабки рўйхатдан кейинги 27та футболчига қисқарган таркибдан кутилмаганда, "Милан" вакили Урби Эмануэльсон ва"Валенсия" футболчиси Эдвигес Мадуролар тушиб қолган.