"Наполи" президенти Аурелио де Лаурентис "Барселона"да ўйинчини трансфер қилиш учун пули борлигига шубҳа билдирди.

"Барселона" ҳеч қачон Кулибали учун биз билан боғланмаган. Менимча, "Барселона"да ҳеч қандай футболчини трансфер қилиш учун умуман пул йўқ. Бизни ҳеч қандай алмашиш келишуви қизиқтирмайди", - дея де Лаурентиснинг сўзларини келтиради Фабрицио Романо.

Эслатиб ўтамиз, Калиду Кулибалининг "Наполи" билан шартномаси кейинги мавсум охирида якунига етади. Сенегаллик футболчининг трансферига каталониялик "Барселона"дан ташқари "Челси" ва "Манчестер Юнайтед" ҳам қизиқиш билдирмоқда.