"Мен учун энг керакли жамоа -  "Барселона"дир. Келажакда нима бўлишини кўраверамиз. Одамлар менинг келажагимни "Реал" билан боғлашмоқда, аммо, асосийси - ғалаба қозониш ва бахтли бўлиш. Албатта, "Реал"га ўтадиган бўлсам "Барса" ишқибозларининг жаҳллари чиқади. Мен эса ҳозирги пайтда "Манчестер Сити"да дам оляпман ва ўзимни бахтли ҳис қиляпман" - дейди Туре.

Эслатиб ўтамиз, яқинда ушбу футболчи ўзининг "Барселона"га қайтиши ва фаолиятини шу клубда якунлаши мумкинлиги ҳақида гапирган эди. Унинг агенти Дмитрий Селюк ҳам, агар қарама қарши томон ҳохиш билдирса, музокараларга тайёр эканликларини айтиб ўтган эди. Унинг айтишича, мижозига кўплаб грандлар кўз тикмоқда экан. Бунинг устига миш-мишлар орасига футболчининг ўзи "Реал"га ўтиши мумкинлигини ҳам қистириб қўймоқда.