"Барселона" президенти Жоан Лапорта Неймарнинг Каталония клубига қайтиши мумкинлиги ҳақида гапирди.
Лапортанинг таъкидлашича, агар "ПСЖ" футболчидан қутулишни истаса, Неймарнинг ўзи эса "Барселона"га ўтишни истаса, буларнинг барчаси текинга амалга ошиши керак.
Шу билан бирга, Лапорта ўз вақтида Неймар айнан пул туфайли «ПСЖ»га ўтганига эътибор қаратди.
Олдинроқ Париж клуби Килиан Мбаппе билан шартномани узайтиргач, 30 ёшли Неймарни трансферга қўйишга қарор қилгани ҳақида хабар берилганди.
Жорий мавсумда футболчи Франция чемпионатида 22 та ўйин ўтказиб, 13 та гол урди ва 6 та голли узатмани амалга оширди.