2032 йилги Европа чемпионати қаерда ўтказилиши ҳозирча номаълум, аммо турнирга даъвогарлар аллақачон мавжуд. Xусусан, Италия Европа форумига мезбонлик қилишни хоҳлайди. Улар охирги марта 1990 йилда катта турнирга мезбонлик қилишган.
Аммо УEФА раҳбари Александер Чеферин Италиянинг истиқболига ишонмайди.
"Мен улар билан тез-тез шу мавзуда гаплашаман. Албатта, Италия футбол учун яшайдиган давлат. Муаммо бошқа жойда - эскирган инфратузилмада, унинг ҳолати мамлакат амбициялари ва салоҳиятига умуман мос келмайди. Агар Италия ҳукумати вазиятга аралашмаса, менимча, Италиянинг Евро-2032 учун даъвогарлиги даргумон", деб Чеферин сўзларидан иқтибос келтиради Sky Sports.
