Мюнхеннинг "Бавария" клуби ҳужумчиси Серж Гнабри "Реал Мадрид" қизиқиш доирасида бўлиб турибди. “Қаймоқранглилар” раҳбарияти футболчининг шартномасидаги ноаниқликдан унумли фойдаланмоқчи.
Bild хабарига кўра, ҳужумчи мюнхенликлар билан янги шартномаси борасида ҳалигача келиша олмаганидан норози. Гнабрининг амалдаги шартномаси 2023 йилнинг ўрталарига қадар мўлжалланган.
26 ёшли форвард ўтган мавсумда 44 ўйинда майдонга тушиб, 17 гол ва 10 голга ассистентлик қилган.