"Астон Вилла" "Севилья" ҳимоячиси Диего Карлосни сотиб олишга рози бўлди.
Яқин орада 29 ёшли бразилиялик футболчи тиббий кўрикдан ўтиш ва шахсий шартнома шартларини якунлаш мақсадида Англияга келади.
Sky Sports хабарига кўра, бу трансфер Премьер-лига клубига 26 миллион фунт (30,5 миллион евро) тушган.
Шунингдек, "Астон Вилла" "Бёрнли" билан шартномаси шу ёзда якунига етадиган ҳимоячи Жеймс Тарковски билан музокаралар олиб бораётгани қайд этилган.
Карлос Ла Лигада 34 та ўйинда майдонга тушиб, 3 та гол урган.