"Эвертон" ҳужумчиси Ришарлисон ёзда жамоани тарк этиши ҳақидаги хабарларга муносабат билдирди.
"Мен клуб раҳбариятига ва Фрэнк Лэмпардга ҳаммасини тушунтириб бердим. Улар менинг нима истаётганимни билишади. Июнгача кутамиз. Ҳозирча мен ҳеч нарса дея олмайман, чунки мен клубни, унинг тарихини ва мухлисларнинг меҳрини ҳурмат қиламан", - дея Ришарлисоннинг сўзларини келтиради Globo.
Олдинроқ 25 ёшли форвардга "Реал"дан қизиқиш борлиги ҳақида хабарлар тарқалган эди.
Бразилиялик жорий мавсумда “Эвертон” сафида 33 та ўйинда майдонга тушиб, 11 та гол урди ва 5 та голли узатмани амалга оширди.
Унинг шартномаси 2024 йилнинг июнигача амал қилади.
