"Everton" hujumchisi Risharlison yozda jamoani tark etishi haqidagi xabarlarga munosabat bildirdi.
"Men klub rahbariyatiga va Frenk Lempardga hammasini tushuntirib berdim. Ular mening nima istayotganimni bilishadi. Iyungacha kutamiz. Hozircha men hech narsa deya olmayman, chunki men klubni, uning tarixini va muxlislarning mehrini hurmat qilaman", - deya Risharlisonning so‘zlarini keltiradi Globo.
Oldinroq 25 yoshli forvardga "Real"dan qiziqish borligi haqida xabarlar tarqalgan edi.
Braziliyalik joriy mavsumda “Everton” safida 33 ta o‘yinda maydonga tushib, 11 ta gol urdi va 5 ta golli uzatmani amalga oshirdi.
Uning shartnomasi 2024 yilning iyunigacha amal qiladi.
