Белураснинг "Энергетик-БГУ" жамоасида тўп сураётган ҳамюртимиз Бобир Абдихолиқов "Славия" билан ўйин (5:0) ҳақида фикр билдирди ва клубнинг мавсумдаги вазифасини айтиб ўтди.

— Учрашувдан олган таассуротларингиз билан ўртоқлашсангиз?

- Учрашув бошида ўйнаш анча қийин бўлди. Кейин биринчи, кейин иккинчи голни киритдик. Шундан кейин бу анча осонлашди.

- Учрашув бошланишидан олдин рақибдан нимани кутган эдингиз?

- “Славия” белгиланган стандарт вазиятлардан кўп гол уришини, айниқса, уларнинг аут ва бурчак тўплари хавфли эканлигини билардик. Шу боисдан бу дақиқаларда рақибни ёпишга ҳаракат қилдик.

- Сизнингча, бу ўйинда ким энг яхши ўйнади?

- Жамоамиз ҳақида гапирадиган бўлсак, барча яхши йигитлар 100 фоиз ишлади, шунинг учун ҳам ғалаба қозондик.

- Жамоангиз чемпионатни жуда яхши бошлади. Бу йил “Энергетик” олдида қандай вазифа бор?

- Ҳа, шундай. Мақсадимиз мавсум якунида юқори ўринни эгаллаш.

- Бобур, айни дамда олий лигада тўпурар бўлиб турибсиз. Кейинги трансфер ойнасида бошқа клублардан таклифларни кўриб чиқасизми ёки “Энергетик”да қолмоқчимисиз?

- Ҳали ўйлаб кўрмадим. Биринчи давра якунига қадар ҳали бешта ўйин бор. Ҳозир бор эътиборимни фақат ўйинларга қаратганман, - деди Абдихолиқовнинг "Славия" клуби матбуот хизматига.