Уэльслик вингер Гарет Бэйл, агар жамоаси 2022 йилги жаҳон чемпионатида иштирок этиш ҳуқуқи учун плей-офф турнири финалида Украинага ютқазса, фаолиятини якунлаши мумкин, деб хабар беради ESPN.
Манба берган хабарга кўра, 32 ёшли футболчининг ягона мақсади қолган, у 64 йил ичида илк бор Уелс терма жамоасини жаҳон чемпионатига олиб чиқмоқчи. Уэльс охирги марта 1958 йилги Жаҳон чемпионатида ўйнаган ва у ерда чорак финалда Бразилияга мағлуб бўлган.
Агар Уэльс терма жамоаси Украинани мағлуб этса, Бэйл фаолиятини камида яна олти ой давом эттириш ниятида.
Уэльс - Украина учрашуви 5 июнь куни Кардиффда бўлиб ўтади.
