“Андижон” матбуот хизмати ҳар бир ўйиндан кейин энг яхши футболчига овоз бериш жараёнини ўтказиб келмоқда. Май ойида жами 4 та ўйин ташкил этилган бўлиб, мазкур беллашувлардан сўнг мухлислар ўртасида сўровнома давом эттирилди.

Одатга кўра, уларнинг умумий йиғиндисини ҳисобланди ва ойнинг энг яхши футболчиси номи маълум бўлди: бу – Шаҳбоз Эркинов!

Гарчи “Зомин”га қарши баҳсда жароҳати сабабли майдонга туша олмаган бўлса-да, бунгача ўтказилган учта ўйиндаёқ ойнинг энг яхши футболчисига айланиш учун етарли овозларни тўплаб қўйган экан. У ҳаммаси бўлиб 1584 та овозга эга бўлди. Бу борада кучли бешталик қуйидаги кўринишда:

1. Шаҳбоз Эркинов - 1584
2. Фарҳод Соҳибжонов - 1166
3. Владимир Бубанья - 994
4. Илдар Маматказин - 793
5. Горан Милойко – 561

Кеча Янгиердаги майдонда машғулот бошланишидан олдин жамоа бош мураббийи Виктор Кумиков ойнинг энг яхши футболчиси учун тайёрланган махсус статуэткани Эркиновга топширди.
   
“Андижон” матбуот хизмати.