"Лилль" ҳимоячиси Свен Ботманнинг "Милан"га ўтиши муваффақиятсиз бўлиши мумкин, дея таъкидламоқда Calciomercato.
Томонлар 22 ёшли нидерландиялик футболчининг "Милан" жамоасига ўтиши бўйича деярли келишиб олишди, бироқ Италия клуби эгасининг ўзгариши мумкинлиги ҳақидаги миш-мишлар фонида музокаралар тўсатдан тўхтаб қолди.
"Милан" раҳбарияти Ботманнинг трансфери учун 30 миллион еврога яқин маблағ сарфлашни режалаштирганди.
Олдинроқ Англиянинг “Ньюкасл” клуби ҳам ҳимоячига даъвогарлик қилаётгани хабар қилинганди.
Ботман ўтган мавсумда клуб сафида 29 та ўйинда майдонга тушиб, 3 та гол урган. Унинг "Лилл" билан шартномаси 2025 йилнинг июнигача амал қилади.
