"Наполи" "Брайтон" ҳимоячиси Лео Остигардни қўлга киритиш борасида музокаралар олиб бормоқда, дея хабар беради журналист Фабрицио Романо.
Манбага кўра, неаполликлар 22 ёшли норвегиялик учун 3 миллион евро таклиф қилмоқда. Инглиз клуби футболчи учун кўпроқ олмоқчи, аммо "Наполи" трансфер бўйича келишувга эриша олишига ишончи комил.
2022 йилнинг январидан бери Остигард "Женоа"да ижара асосида ўйнамоқда. Унинг ҳисобида 15 та ўйинда 1 та гол бор.
Transfermarkt.com портали футболчининг нархини 4 миллион еврога баҳоламоқда.
