«Арсенал» АПЛнинг 35-турида «Фулхэм»ни тор-мор этди ва иккинчи ўринда бораётган «Манчестер Сити» билан орадаги фарқни 6 очкога етказди.
Жамоалар мос равишда 76 ва 70 очко жамғаришган, бироқ «шаҳарликлар» иккита кам ўйин ўтказишган (33 та).
Душанба куни Пеп Гвардиола шогирдлари сафарда «Эвертон» билан куч синашади. Шунингдек, «Сити»нинг захирасида 31-турдан ўрин олган ва 13 май куни ўтказиладиган «Кристал Пэлас»га қарши баҳси ҳам бор.
Учинчи ўриндаги «Манчестер Юнайтед» (61 очко) эса «Арсенал»нинг ғалабасидан сўнг чемпионлик имкониятини расман йўқотди. Энди бош соврин учун фақат икки жамоа даъвогар бўлиб қолди.
