«Лидс» вингери Рафинья «Барселона»да ўйнашни хоҳлайди, аммо вазият айни пайтда у ўйлаган даражада эмас.
Mundo Deportivo хабарига кўра, «Барселона» 25 ёшли Рафиньяни сотиб олиши шубҳа остида қолмоқда.
Каталония клуби вингер учун аниқ таклиф билан чиқмаган ва ушбу трансферни амалга ошириш учун «Лидс» билан боғланмади.
Жамоа энди бошқа устувор вазифага эга - ҳужумчи Роберт Левандовски. Агар «Барселона» польякни қўлга киритишга муваффақ бўлса, катта эҳтимол билан Рафиньянинг трансфери барбод бўлади, чунки Каталония клуби ёзги трансфер ойнасида бирданига иккита футболчини сотиб ололмайди.
