Австриянинг “Ред Булл Зальцбург” клуби ҳимоячиси Расмус Кристенсен “Лидс Юнайтед”га кўчиб ўтди, дея хабар беради “товуслар” расмий сайти.
24 ёшли даниялик билан шартнома 2027 йилнинг ёзига қадар мўлжалланган.
Transfermarkt интернет портали келишув нархини 12 миллион евро, статистик манба эса футболчининг бозор нархини 15 миллион еврога баҳолаган.
Кристенсен 2019 йилнинг июлидан буён “Ред Булл Зальцбург” сафида тўп тепаётган эди. У 2021/2022 йилги мавсумда 44 та ўйинда майдонга тушиб, 10 та гол урди ва 8 та голли узатмани амалга оширди.
