"Вест Хэм" сардори Деклан Райс "Челси" ярим ҳимоячисини кучайтирувчи асосий номзод бўлиб қолмоқда. Журналист Адам Нюсоннинг хабарига кўра, "кўклар" ушбу трансфер ойнасида ярим ҳимоячини сотиб олишга уринишади.
Райс аввалроқ "Вест Хэм" билан шартномасини узайтиришдан бош тортган. Олдинроқ "болғачилар" футболчи учун тахминан 150 миллион евро талаб қилишлари ҳақида хабарлар тарқалганди, аммо ҳозирда клуб футболчини 75 миллионга қўйиб юборишга тайёр.