"Барселона" вице-президенти Эдуард Ромеу клубнинг молиявий аҳволи ҳақида гапирди.
"Вазият ҳали ҳам оғир", - дея Ромеу сўзларини келтирган Diario Sport. “Аммо 2021 йилга нисбатан “Барселона” айрим устунликларга эга. Клуб қаердалигини билади.
Каталония клуби вице-президенти бу вазиятдан чиқиш учун қанча маблағ кераклигини ҳам айтиб ўтди.
“Энг катта зарар мавжуд номутаносибликдан келиб чиқади. Камомад 500 миллион еврони ташкил қилади. Агар клуб ҳеч нарса қилмаганида бу суммага яна 150 миллион евро қўшилиши мумкин эди. "Барселона"ни сақлаб қолиш учун 500 миллион евро етарли", - деди у.
"Барселона" ўтган мавсумда 38 ўйинда 73 очко тўплаган ҳолда Лигада иккинчи ўринни эгаллади.
