"Barselona" vise-prezidenti Eduard Romeu klubning moliyaviy ahvoli haqida gapirdi.

"Vaziyat hali ham og‘ir", - deya Romeu so‘zlarini keltirgan Diario Sport. “Ammo 2021 yilga nisbatan “Barselona” ayrim ustunliklarga ega. Klub qayerdaligini biladi.

Kataloniya klubi vise-prezidenti bu vaziyatdan chiqish uchun qancha mablag‘ kerakligini ham aytib o‘tdi.

“Eng katta zarar mavjud nomutanosiblikdan kelib chiqadi. Kamomad 500 million yevroni tashkil qiladi. Agar klub hech narsa qilmaganida bu summaga yana 150 million yevro qo‘shilishi mumkin edi. "Barselona"ni saqlab qolish uchun 500 million yevro yetarli", - dedi u.

"Barselona" o‘tgan mavsumda 38 o‘yinda 73 ochko to‘plagan holda Ligada ikkinchi o‘rinni egalladi.