Ўзбекистон миллий терма жамоаси бош мураббийи Хосе Мария Мендез шогирдларининг ўйинидан қониқиш ҳосил қилганини яширмади.

"Кеча бўлиб ўтган Кувайтга қарши баҳсдан фарқли ўлароқ бугун яхши ўйнадик. Шогирдларим кўрсатган ўйиндан қониқдим. Ўзимизни кўрсата олганимиздан хурсандман. Олдимизда бизни худди шунақа мураккаб ўйинлар кутиб турибди".

"Ҳакамнинг қарорини муҳокама қилмайман. Хитой терма жамоаси ўйинчисининг четлатилиши адолат бўлдими? Билмадим. Ўйинчи биринчи сариқ карточкани нима учун олгани эсимда йўқ, аммо унга иккинчи огоҳлантириш тўғри берилди. У ўйинчимизни қўли билан тўхтатим қолган вазиятга яқин тургандим. Бу сариқ карточка тортадиган вазият".

"Индонезия Кувайтга 3:9 ҳисобида ютқазди. Бу — Индонезия бизга қарши кураш олиб бормайди, дегани эмас. Мен рақиб футболчиларини яхши биламан. Шунингдек, мураббийни ҳам яхши танийман. Улар ҳақиқий жангчи ва охиригача кураш олиб боришади", дейди испаниялик мутахассис.