"Манчестер Сити" "Атлетико Минейро" ҳужумчиси Савиони сотиб олди, дея хабар беради журналист Фабрицио Романо.
Манбага кўра, "шаҳарликлар" 18 ёшли бразилияликни харид қилиб, уни дарҳол ПСВга ижарага бериб юборишади. "Манчестер Сити" ва Нидерландия клуби ўртасидаги келишув якуний босқичда.
Савио "Атлетико Минейро" тарбияланувчиси бўлиб, жорий мавсумда жамоа сафида 11 та ўйинда майдонга тушиб, 1 та гол урган. Transfermarkt.com портали футболчининг нархини 6 миллион еврога баҳоламоқда.