“Ливерпуль” ҳужумчиси Дивок Ориги келаси ҳафта Миланга учиб кетади. Футболчининг "қизиллар" билан шартномаси 1 июль куни якунига етади ва у эркин агентга айланади.
Журналист Фабрицио Романонинг хабар беришича, 27 ёшли бельгиялик келаси ҳафта тиббий кўрикдан ўтади ва "Милан" билан шартнома имзолайди.
Ориги ўтган мавсумда 17 та ўйинда майдонга тушиб, 6 та гол урди ва 4 та голли узатмани амалга оширди.