"Интер" ҳужумчиси Эдин Жеко "Реал Мадрид" қизиқиш доирасида эмас. Журналист Николо Шкиранинг хабар беришича, босниялик ҳужумчининг "Сантяго Бернабеу"га ўтиши ҳақидаги миш-мишлар ҳақиқатга тўғри келмайди.
Қайд этилишича, Жеко ушбу мавсум оралиғида "Интер"ни тарк этишга мажбур бўлади, чунки клуб "Челси"дан Ромелу Лукаку ва текинга ўтадиган Пауло Дибалани қўлга киритишга яқин турибди.
Ўтган йили "Рома"дан трансфер қилинганидан кейин Жеконинг ўзи "Интер"да бор йўғи бир мавсум ўтказди. Ҳозирча босниялик учун курашда фаворит Туриннинг "Ювентус" клуби бўлиб турибди, у Алваро Мората кетганидан кейин ҳужумчи изламоқда.
