Машҳур инглиз собиқ футболчиси Дэвид Бекхэм журналистлар билан суҳбатда Алекс Фергюсон 1998 йилги жаҳон чемпионатидаги муваффақиятсиз ўйиндан кейин стрессни енгишга қандай ёрдам берганини эслади.
Бекхэм Marca нашрига берган интервьюсида жаҳон чемпионатидан чиққан куннинг эртасига номаълум рақамдан қўнғироққа жавоб берганини айтди. Собиқ футболчининг таъкидлашича, айнан Фергюсон ярим ҳимоячига уч ҳафта дам олиш учун кетишни, кейин эса Манчестерга қайтишни ва у ерда унга ғамхўрлик қилишни маслаҳат берган.
«Бу менга омадсизликдан қутулиб, ундан кейин ажойиб мавсум ўтказишимга ёрдам берди», — дея қўшимча қилди Бекхэм.
Эслатиб ўтамиз, Англия 1998 йилги жаҳон чемпионатининг 1/8 финалида аргентиналикларга мағлуб бўлганди. Бекхэм Диего Симеонега зарба бергани учун майдондан четлатилган.
