Mashhur ingliz sobiq futbolchisi Devid Bekxem jurnalistlar bilan suhbatda Aleks Fergyuson 1998 yilgi jahon chempionatidagi muvaffaqiyatsiz o‘yindan keyin stressni yengishga qanday yordam berganini esladi.
Bekxem Marca nashriga bergan intervyusida jahon chempionatidan chiqqan kunning ertasiga noma’lum raqamdan qo‘ng‘iroqqa javob berganini aytdi. Sobiq futbolchining ta’kidlashicha, aynan Fergyuson yarim himoyachiga uch hafta dam olish uchun ketishni, keyin esa Manchesterga qaytishni va u yerda unga g‘amxo‘rlik qilishni maslahat bergan.
«Bu menga omadsizlikdan qutulib, undan keyin ajoyib mavsum o‘tkazishimga yordam berdi», — deya qo‘shimcha qildi Bekxem.
Eslatib o‘tamiz, Angliya 1998 yilgi jahon chempionatining 1/8 finalida argentinaliklarga mag‘lub bo‘lgandi. Bekxem Diyego Simeonega zarba bergani uchun maydondan chetlatilgan.
