"Ренн" ҳимоячиси Найеф Агерд "Вест Хэм" билан шартнома имзолайди, дея хабар беради журналист Фабрицио Романо.
Манбага кўра, Лондон клуби 26 ёшли марокашлик футболчининг трансфери ҳақида тез орада эълон қилади. Қайд этилишича, "болғачилар" бу трансфер учун тахминан 35 миллион евро сарфлашади.
Ўтган мавсумда Агерд 40 та ўйинда майдонга тушиб, 4 та гол урди ва 3 та голга ассистентлик қилди. Transfermarkt портали футболчининг нархини 12 миллион еврога баҳоламоқда.