"Renn" himoyachisi Nayef Agerd "Vest Xem" bilan shartnoma imzolaydi, deya xabar beradi jurnalist Fabrisio Romano.
Manbaga ko‘ra, London klubi 26 yoshli marokashlik futbolchining transferi haqida tez orada e’lon qiladi. Qayd etilishicha, "bolg‘achilar" bu transfer uchun taxminan 35 million yevro sarflashadi.
O‘tgan mavsumda Agerd 40 ta o‘yinda maydonga tushib, 4 ta gol urdi va 3 ta golga assistentlik qildi. Transfermarkt portali futbolchining narxini 12 million yevroga baholamoqda.