"Интер"нинг словакиялик ҳимоячиси Милан Шкриньяр “ПСЖ”дан янги таклиф олди, дея хабар беради La Gazette Dello Sport.
Қайд этилишича, парижликлар словакиялик футболчига ҳозирги маошини икки баробарга оширишни таклиф қилишган. У "ПСЖ"да мавсумига 9,2 миллион евро олиши мумкин. Ҳозир унинг "Интер"даги маоши 4,5 млн.
Аввалроқ, француз клуби футболчи учун “Интер”га 50 миллион евро таклиф қилган, бу таклиф камида 80 миллион талаб қилаётган “нерадзуррилар"га тўғри келмаганди.
Шунингдек, Шкриньярга "Тоттенхэм", "Манчестер Юнайтед" ва "Челси" ҳам даъвогарлик қилмоқда.
