"Inter"ning slovakiyalik himoyachisi Milan Shkrinyar “PSJ”dan yangi taklif oldi, deya xabar beradi La Gazette Dello Sport.

Qayd etilishicha, parijliklar slovakiyalik futbolchiga hozirgi maoshini ikki barobarga oshirishni taklif qilishgan. U "PSJ"da mavsumiga 9,2 million yevro olishi mumkin. Hozir uning "Inter"dagi maoshi 4,5 mln.

Avvalroq, fransuz klubi futbolchi uchun “Inter”ga 50 million yevro taklif qilgan, bu taklif kamida 80 million talab qilayotgan “neradzurrilar"ga to‘g‘ri kelmagandi.

Shuningdek, Shkrinyarga "Tottenxem", "Manchester Yunayted" va "Chelsi" ham da’vogarlik qilmoqda.