"Челси" Франциянинг "Ланс" клуби ҳимоячиси Жонатан Клауссни сотиб олмоқчи, дея хабар беради L'Equipe.
Аввалроқ, "Атлетико" франциялик футболчи билан музокаралар олиб бораётгани ҳақида хабар берилганди.
Клаусснинг клуб билан шартномаси 2023 йилнинг июнига қадар амал қилади, ҳозирча "Ланс"дан шартномани узайтириш бўйича ҳеч қандай таклиф бўлмаган.
Шу боис футболчини "Челси" ва "Атлетико" клублари ўз сафига қўшиб олишга жиддий қизиқиш билдирмоқда. Француз клубининг 29 ёшли футболчи учун сўраган нархи 10 млн евро.
Ўтган мавсумда Клаусс жами 40та ўйинда майдонга тушиб, 5та гол урган ва 11та голга ассистентлик қилган.
