Мамлакатимиз яна бир мусобақага мезбонлик қилиши мумкин. Бу ҳақида ЎзПФЛ директори Диёр Имомхўжаев ўзининг телеграм саҳифасида айтиб ўтди.
"Агар "Сўғдиёна"га ҳам "Насаф"нинг йўлини бериб, Жиззах клуби ОФК кубоги финалга қадар борадиган бўлса, финал учрашувига бу йил бизнинг зона мезбонлик қилади. Демак, агар "Сўғдиёна" финалда ўйнаса, ОФК кубогининг финали Ўзбекистонда ўтади.
2011 йилда Ўзбекистон ОФК кубогининг финалига мезбонлик қилган ва унда "Насаф" Қаршида "Ал-Кувайт"ни 2:1 ҳисобида таслим қилишга эришган.
2021 йилда ҳам "Насаф" финалга қадар етиб борди, аммо бу йилдан фарқли ўлароқ ўтган мавсум ОФК кубогининг финалига Баҳрайн мезбонлик қилди ва унда "Насаф" Баҳрайннинг "Ал-Муҳаррақ" клубига енгилди — 0:3", —дейди Имомхўжаев.
Манба: Диёр Имомхўжаев телеграм канали
