Япония ва Австралия футзал терма жамоалари ўртасидаги ярим финал учрашувининг биринчи бўлимида ҳисоб очилмаганига қарамай, Япония иккинчи бўлимда ўз устунлигини намойиш қила олди.

Японлар ҳисобни очгунларига қадар, австралияликлар дарвозабон билан иккига бир вазиятда дарвозани ишғол қила олмаган эдилар. Кейинчалик эса маҳорат бобида устун бўлган япон футзалчилари кетма-кет икки марта рақиблари дарвозасини ишғол қилишди. Ўйиннинг энг сўнгги сонияларида эса кунчиқар юрт вакиллари бўш қолган дарвозага  тўни йўллаб, ҳисобни 3:0га етказишди.

Демак, 1 июнь, жума куни финалда Таиланд ва Япония терма жамоалари куч синашишса, Эрон ва Австралия 3-ўрин учун баҳсда иштирок этишади. Бронза медаль иштирокчилари гуруҳда ҳам ўзаро тўқнаш келишган ва унда форслар Австралияни 9:0 ҳисобида мағлуб этишганди.

ФУТЗАЛ БЎЙИЧА ОСИЁ ЧЕМПИОНАТИ
ЯРИМ ФИНАЛ
ЯПОНИЯ - АВСТРАЛИЯ - 3:0

ФИНАЛ, 1 июнь, жума.
ТАИЛАНД - ЯПОНИЯ

3-ЎРИН УЧУН БАҲС. 1 июнь, жума
ЭРОН - АВСТРАЛИЯ