Кеча Осиё чемпионлар лигасининг нимчорак финалидан ўрин олган сўнгги икки ўйин якунланди ва 1/4 финалга йўл олган барча жамоалар номи аниқ бўлди.

Бир ўйиндан иборат нимчорак финал ўйинларида қуйидаги натижалар қайд этилганини эслатиб ўтиш жоиз:

АЛ-ЖАЗИЙРА (БАА) – АЛ-АҲЛИЙ (Саудия) 3:3
Пенальтилар бўйича 2:4

СЕПОҲОН (Эрон) – ИСТИҚЛОЛ (Эрон) 2:0

АЛ-ИТТИҲОД (Саудия) – ПЕРСЕПОЛИС (Эрон) 3:0

АЛ-ҲИЛОЛ (Саудия) – БАНИЙАС (БАА) 7:1

АДЕЛАИДА ЮНАЙТЕД (Австралия) – НАГОЯ ГРЭМПУС ЭЙТ (Япония) 1:0

СЁНГНАМ ИЛХВА ЧХУНМА (Ж.Корея) – БУНЁДКОР (Ўзбекистон) 0:1

УЛЬСАН ХЁНДЭ (Ж.Корея) – КАСИВА РЕЙСОЛ (Япония) 3:2

ГУАНГЧЖОУ ЭВЕРГРЭНД (Хитой) – ТОКИО ФК (Япония) 1:0

Эътиборлиси, Саудия Арабистонининг ОЧЛда қатнашаётган ҳар учала клуби нимчорак финалгача етиб келишни уддаладилар. 14 июнь куни Малайзия пойтахти Куала-Лумпурда ташланадиган қуръада "Бунёкор"нинг 1/4 финалдаги рақиби Саудия клубларидан бири бўлиш эҳтимоли жуда катта.