"Манчестер Юнайтед"нинг собиқ ҳужумчиси Дуайт Йорк жамоанинг Англия Премьер-лигасида ўтган мавсумдаги ёмон ўйини ҳақида фикр билдирди. Ральф Рангник бошчилигидаги "манкунианликлар" турнир жадвалида олтинчи ўринни эгаллади.
"Ҳозирги "Юнайтед" мен ўйнаган жамоа эмас. Улар кўп нарсани ўзгартириши керак, чунки улар ҳозир "Челси", "Ливерпуль" ва "Манчестер Сити" даражасидан жуда узоқда. Бу мени жуда хафа қилади. "Қизил иблислар"да жамоавий руҳ йўқ. Бу тўғриланиши керак бўлган биринчи нуқта", - дея Дуайтнинг сўзларидан иқтибос келтиради The Athletic.
Мавсум якунлангач, "Манчестер Юнайтед" Рангникнинг кетишини эълон қилди. Унинг жамоа бошқарувидаги ўрнини Эрик тен Хаг эгаллади.













