Беларусь кубогининг 1/16 финал босқичи доирасида таркибида 4 нафар ўзбекистонлик футболчи бўлган «Энергетик-БГУ» клуби сафарда «Барановичи» жамоаси меҳмони бўлиб, қийин ғалабага эришди.

Ўйин тугашига бир дақиқа қолганида Бобур Абдухолиқов ҳисобни очган бўлса, меҳмонлар орадан икки дақиқа ўтиб мувозанатни тиклашди. Қўшимча бўлимларда эса "талабалар" иккита гол уриб, ғалабани ўз томонларига оғдиришди. Ҳар иккала гол Илья Гришченко ҳисобига ёзилди. Унга голли узатмаларни эса Абдухолиқов ва Шоҳруҳ Абдураҳмонов беришди.

Беларусь кубоги, 1/16 финал
Барановичи (Д2) - Энергетик-БГУ (Минск) - 1:3
Голлар: 0:1 - Абдухолиқов (86, пас - Гришченко), 1:1 - Кипра (90+1, пас - Дернейко). 1:2 - Гришченко (103, пас - Абдураҳмонов), 1:3 - Гришченко (118, пас - Абдухолиқов).
22.06.2022. 16:30. Барановичи, стадион "Локомотив"