Хорватиялик собиқ футболчи Ивица Олич Иван Перишичнинг "Тоттенхэм"га ўтиши ҳақида фикр билдирди. Эслатиб ўтамиз, Иван ўтган мавсумда Миланнинг "Интер" клубида ўйнаган.

"Унинг Англияга кўчиб ўтиши мени ҳайратда қолдирди. У "Интер"да ажойиб мавсум ўтказди. Мен унинг ўша ерда қолишига амин эдим.

Премьер-лига унинг учун янги чақирув. Кўринишидан, у узоқ вақтдан бери Англияда ўзини синаб кўришга интилган. Иван кўп лигаларни босиб ўтди.

Перишич Контенинг усулларини, ўйин тизимини, мураббийлар штабини яхши билади. Бу унга ёрдам беради. Иван мослашишда ҳеч қандай муаммога дуч келмайди” - деди Олич Evening Standard билан суҳбатда.