Франкфуртнинг “Айнтрахт” клуби ва Австрия терма жамоасининг 29 ёшли ҳимоячиси Мартин Хинтереггер профессионал футболчи сифатидаги фаолиятини якунлашга қарор қилди.
“Европа лигасида ғалаба қозониш менга жуда ёқди, чунки бу менинг иккинчи уйимга айланган бу шаҳардаги фантастик мухлислар билан сўнгги йирик ғалабам бўлишини аллақачон билардим. Мен жамоада ўтказган вақтимни фақат катта миннатдорчилик ва қувонч билан эслайман", - дея Хинтереггернинг сўзларини келтиради Франкфурт клуби матбуот хизмати.
Хинтереггер "Айнтрахт" сафида 138 та ўйинда майдонга тушиб, 14 та гол урди ва 6 та голли узатмани амалга оширди. 2021/2022 йилги мавсумда футболчи франкфуртликлар билан биргаликда Европа лигаси кубогини қўлга киритди.
