Frankfurtning “Ayntraxt” klubi va Avstriya terma jamoasining 29 yoshli himoyachisi Martin Xinteregger professional futbolchi sifatidagi faoliyatini yakunlashga qaror qildi.
“Yevropa ligasida g‘alaba qozonish menga juda yoqdi, chunki bu mening ikkinchi uyimga aylangan bu shahardagi fantastik muxlislar bilan so‘nggi yirik g‘alabam bo‘lishini allaqachon bilardim. Men jamoada o‘tkazgan vaqtimni faqat katta minnatdorchilik va quvonch bilan eslayman", - deya Xintereggerning so‘zlarini keltiradi Frankfurt klubi matbuot xizmati.
Xinteregger "Ayntraxt" safida 138 ta o‘yinda maydonga tushib, 14 ta gol urdi va 6 ta golli uzatmani amalga oshirdi. 2021/2022 yilgi mavsumda futbolchi frankfurtliklar bilan birgalikda Yevropa ligasi kubogini qo‘lga kiritdi.
