«Real» yarim himoyachisi Arda Gyuler Chempionlar ligasining yakunlangan mavsumidagi eng yaxshi yosh futbolchisi deb topildi. Turkiyalik futbolchi UYEFA matbuot xizmati tomonidan «Mavsum kashfiyoti» nominasiyasida g‘olib deb e’lon qilindi.
2025/2026 yilgi Chempionlar ligasi mavsumida 21 yoshli Arda Gyuler 14 ta o‘yinda maydonga tushdi. Ushbu o‘yinlarda u 4 ta gol urdi va 2 ta golli uzatmani amalga oshirdi. Eslatib o‘tamiz, «Real» Chempionlar ligasining chorak finaligacha yetib borgan edi. U yerda Alvaro Arbeloa boshchiligidagi jamoa «Bavariya»ga imkoniyatni boy berdi.
Chempionlar ligasi g‘olibi esa ikkinchi yil qatorasiga «PSJ» bo‘ldi. Luis Enrike jamoasi finalda «Arsenal» bilan durang (1:1) qayd etgach, penaltilar seriyasida g‘alaba qozondi.
