“Рома” ярим ҳимоячиси Николо Дзаньоло тез орада Туриннинг “Ювентус” клубига ўтиши мумкин. Бу ҳақда Corriere dello Sport нашри хабар бермоқда.

Манба берган хабарга кўра, Италия терма жамоаси футболчиси Рим клуби раҳбариятига пойтахт клубидан трансфер қилинган тақдирда Италия чемпионатида ўйнашни хоҳлашини айтган. Қайд этилишича, шу тариқа, “Ювентус” Николо Дзаньолони сотиб олиш учун асосий давогарга айланди.

Италиялик ярим ҳимоячига “Милан” ҳам қизиқиш билдирмоқда, бироқ уларнинг Дзаньолони қўлга киритиш имкониятлари футболчини Турин клубига ўтказиш имконияти каби афзал кўринмаяпти.

Эслатиб ўтамиз, Николо Дзаньоло ўтган мавсумда “Рома” билан Конференция лигасида ғолиб чиққан эди. Рим клуби финал учрашувида Голландиянинг “Фейеноорд” клубини 1:0 ҳисобида мағлуб этган ва италиялик ярим ҳимоячи учрашувдаги ғалаба голига муаллифлик қилган.