“Roma” yarim himoyachisi Nikolo Dzanyolo tez orada Turinning “Yuventus” klubiga o‘tishi mumkin. Bu haqda Corriere dello Sport nashri xabar bermoqda.
Manba bergan xabarga ko‘ra, Italiya terma jamoasi futbolchisi Rim klubi rahbariyatiga poytaxt klubidan transfer qilingan taqdirda Italiya chempionatida o‘ynashni xohlashini aytgan. Qayd etilishicha, shu tariqa, “Yuventus” Nikolo Dzanyoloni sotib olish uchun asosiy davogarga aylandi.
Italiyalik yarim himoyachiga “Milan” ham qiziqish bildirmoqda, biroq ularning Dzanyoloni qo‘lga kiritish imkoniyatlari futbolchini Turin klubiga o‘tkazish imkoniyati kabi afzal ko‘rinmayapti.
Eslatib o‘tamiz, Nikolo Dzanyolo o‘tgan mavsumda “Roma” bilan Konferensiya ligasida g‘olib chiqqan edi. Rim klubi final uchrashuvida Gollandiyaning “Feyenoord” klubini 1:0 hisobida mag‘lub etgan va italiyalik yarim himoyachi uchrashuvdagi g‘alaba goliga mualliflik qilgan.
