"Челси" "Манчестер Сити" ҳимоячиси Натан Акега қизиқиш билдирмоқда, дея хабар беради Football London.
Манбага кўра, Лондон клуби 27 ёшли нидерландиялик учун 30 миллион фунт стерлинг миқдорида расмий таклиф билан чиқишни режалаштирган.
Қайд этилишича, "аристократлар" "Манчестер Сити" ҳимоячисини сотиш имкониятини кўриб чиқиши учун 50 миллион фунтдан кўпроқ пул таклиф қилишлари керак.
Шу билан бирга, “шаҳарликлар” Акега ўринбосар топмаса, уни қўйиб юбормайди.
Аке ўтган мавсумда "Манчестер Сити" сафида барча турнирларда 27 та ўйинда майдонга тушиб, 3 та гол урган. Ҳимоячининг клуб билан шартномаси 2025 йилнинг 30 июнига қадар амал қилади.
