Тирелл Маласиа "Манчестер Юнайтед"га ўтишга яқин турибди.

22 ёшли футболчи инглиз клуби билан шахсий шартнома шартларини келишиб олди.

Нидерландиялик футболчининг шартномаси яна бир мавсумга узайтириш имконияти билан 4 йилга мўлжалланган. Дам олиш кунларида Маласиа тиббий кўрикдан ўтиши мумкин.

Аввалроқ, "Манчестер Юнайтед" "Фейеноорд"дан 15 миллион еврога ҳимоячи сотиб олишга келишиб олгани, қўшимча равишда 2 миллион евро - потенциал бонус сифатида маълум қилинганди.

Маласиа Нидерландия чемпионатининг ўтган мавсумида 32 та ўйинда 1 та гол урди ва 4 та голли узатмани амалга оширди.