"Манчестер Юнайтед" ҳужумчиси Криштиану Роналдунинг шахсий самолёти Испаниядан бир ярим соат кечикиш билан учиб кетди.
Daily Mail нашрининг ёзишича, бунга португалиялик футболчининг соқчилари ва аэропорт ходимлари ўртасидаги можаро сабаб бўлган.
Роналдунинг қўриқчиларидан бири аэропорт ходимларининг сканердан ўтиш талабига бақириб, тажовузкор ҳаракат қила бошлаган. Натижада полиция чақирилган.
Роналдунинг ўзи вазиятга ҳеч қандай аралашмади.
Роналду 2021 йил августида қайтганидан буён “Манчестер Юнайтед” сафида 38 ўйинда 24 та гол урди ва 3 та голли узатмани амалга оширди.