"Ювентус" билан шартномасини якунлаб, эркин агентга айланган 28 ёшли италиялик ҳужумкор ярим ҳимоячи Федерико Бернардески "Атлетико Мадрид" эътиборини тортди, деб хабар беради GOAL.

Манбага кўра, "Атлетико" вакиллари бу трансфер йўлида фақат биринчи қадамларни қўйишмоқда ва футболчининг яқинлари билан алоқа ўрнатишмоқда.

Аввалроқ Бернардески "Наполи" билан музокара олиб борган ва клуб унга 2,5 миллион евро маош билан шартнома таклиф қилган, аммо футболчининг ўзи 3 миллион евро миқдорида маош талаб қилганди.

Бернардески ўтган мавсумда "Ювентус" сафида барча турнирларда 36 та ўйинда майдонга тушиб, 2 та гол урди ва 6 та голли узатмани амалга оширди.