“Милан” клуби ҳужумчи Златан Ибраҳимовичга янги шартнома таклиф қилишга тайёр. Келаси ҳафтада томонлар ҳамкорликни давом эттириш имкониятларини муҳокама қилиш учун учрашув ўтказади.

40 ёшли швед тиззасидаги жарроҳлик амалиётидан сўнг 2022 йил бошқа майдонга туша олмаслиги аниқ бўлди, бироқ "россонерилар" раҳбариятини бу вазият ташвишга солмайди.

Футболчи 25 май куни чап тиззасидан операция қилинган ва 8 ойгача майдонга туша олмайди. Швециялик футболчи ўтган мавсумда барча турнирларда 27 та ўйинда майдонга тушиб, 8 та гол урди ва 3 та голли узатмани амалга оширди.