“Milan” klubi hujumchi Zlatan Ibrahimovichga yangi shartnoma taklif qilishga tayyor. Kelasi haftada tomonlar hamkorlikni davom ettirish imkoniyatlarini muhokama qilish uchun uchrashuv o‘tkazadi.

40 yoshli shved tizzasidagi jarrohlik amaliyotidan so‘ng 2022 yil boshqa maydonga tusha olmasligi aniq bo‘ldi, biroq "rossonerilar" rahbariyatini bu vaziyat tashvishga solmaydi.

Futbolchi 25 may kuni chap tizzasidan operasiya qilingan va 8 oygacha maydonga tusha olmaydi. Shvesiyalik futbolchi o‘tgan mavsumda barcha turnirlarda 27 ta o‘yinda maydonga tushib, 8 ta gol urdi va 3 ta golli uzatmani amalga oshirdi.